Bomoabomoa yaanza Nairobi baada ya mkasa

Image captionWatu karibu 600 wamekuwa wakiishi kwenye nyumba zilizobomolewa leo

Serikali ya jimbo la Nairobi imeanza kubomoa nyumba ambazo maafisa wanasema hazifai kuishi watu.

Shughuli hiyo inatekelezwa baada ya jumba moja la makazi la ghorofa sita kuporomoka Ijumaa wiki iliyopita na kuua watu 36.

Image captionWatu 36 walifariki baada ya jengo moja kuporomoka Ijumaa

Watu karibu 70 bado hawajulikani walipo.

Shughuli ya leo imelenga nyumba nane ambazo zimekuwa zikiishi watu karibu 600.

Nyumba ambazo zimepangiwa kubomolewa zimewekwa alama ukutani.

Image captionNyumba za kubomolewa zimewekwa alama

Watu waliagizwa wahame kutoka kwenye nyumba hizo wiki moja iliyopita.

Lakini kufikia leo asubuhi, baadhi ya watu walikuwa bado hawajahama.

Baadhi wamekuwa wakijaribio kuokoa mali yao mapema leo.

Baadhi ya wakazi wamelalamika kwamba hawana kwa kwenda.